القائمة إغلاق

المطربة دينا المصري تفضح المنتجين: لأزم أقدم تنازلات أو أتزوج عرفي لكي أنجح

03/08/2021 – 10:30

أطلقت مطربة الأوبرا المصرية ​الشابة دينا المصري​ الشهيرة فنيا باسم دليلة، مقطع فيديو صادم يكشف عن معاناتها من أجل تحقيق طموحاتها داخل الوسط الفني، وأكدت أن كل المنتجين أشادوا بصوتها، ولكن قرار منحها فرصة الوصول إلى الجمهور يبقى رهن تقديم تنازلات أخلاقية، أو القبول بالزواج عرفيا من المنتج!!

دينا المصري
دينا المصري ترغب في النجاح بدون تقديم تنازلات

 

دينا تحدثت بغضب ودهشة مما تواجهه داخل الوسط الفني المصري قائلة: يعني أنا مش عارفة هل أنا صوتي وحش، شكلي وحش، فيا عيب، فيا حاجة؟ معتقدش، كل ما أروح شركة إنتاج يقولي الله يا فنانة صوتك جميل، خلاص هنبتدي شغل يبص في حتة تانية خالص، يبص لشكلي أو لجسمي، أو يتجوزني عرفي، هو أنا لازم أعمل حاجة غلط، ولازم أقدم تنازلات، أنا طلع عيني لحد ما وصلت للي أنا فيه.

 

 

وتابعت: أنا مقولتش إني مش بقوم من على السجادة، أنا بسهر وليا صحابي أولاد أكثر من البنات، بلبس قصير ومفتوح وكل حاجة، بس أنا مش عايزة أعمل حاجة غلط، شغل في الشارع واشتغلت، دراسة ودرست، في الأوبرا واشتغلت، عملت كل حاجة تأهل الفنان للنجاح، تعبت على نفسي، خدتها من تحت، ما عنديش مشكلة أتعب، بس عايزة أوصل وانجح، أوصل باحترامي وكياني وبصوتي ومش لازم أعمل حاجة غلط.

واختتمت حديثها بقولها: هو احنا سمعتنا وحشة من فراغ، مش شرط الغنا بس، أي نوع من أنواع الفن عليه سبوت، لو الفن دا يا جماعة بالمنظر ده، إني لازم أصاحب المنتج، أحسن لي إني أقعد بكرامتي، لو صوتي وحش قولولي اقعدي في بيتك وما تشتغليش، أنا تعبت ومش عارفة أعمل ايه.

لمشاهدة أجمل صور المشاهير زوروا أنستغرام سيدتي

ويمكنكم متابعة آخر أخبار النجوم عبر تويتر “سيدتي فن”

article_city: